Ապաստարանների կառուցում

«Հայրենասեր»-ը նախաձեռնել է ապաստարանների ստեղծման ծրագիր Արցախում։ Առաջին ապաստարանը «Հայրենասեր»-ը կառուցեց Քաշաթաղի շրջանի Բերձոր քաղաքում։ Ապաստարանի հովանավորությունն ամբողջությամբ ֆինանսավորեց Լոս Անջելեսում գործող «Հայրենիքիս» խումբը։

Այրված տան նկարները

Ո՞ր հայ երեխայի դպրոցն եք հանձնում թշնամուն

Ժամը հինգն անց դուրս ենք գալիս դպրոցից․ ուսումնական հաստատություններում ընդունված ժամերից երկար մնալ միշտ սիրել եմ․ այնպիսի զգացողություն է, թե այդ ժամերին ավելի լավ եմ գիտելիք ստանում ու տալիս։ Ուսանող տարիներիս միշտ մինչև երեկո էի մնում ընթերցասրահում։ Հիմա, երբ որ Քարվաճառում դասերից հետո երեխաների հետ անգլերեն եմ պարապում, պարապունքները ժամը հինգին, հինգ անց ենք վերջացնում։

Պարապունքից հետո մի հաճելի հոգնությամբ երեխաների հետ քայլում եմ դեպի տուն։ Երեխաների հետ աշխատելուց հետո հոգնածությունը լուսավոր է, չի տապալում, այլ ուժ է տալիս՝ հաջորդ օրվա համար․ քանի որ երեխաների հետ աշխատելը հենց հաջորդ օրվա գաղափարն է։

Քայլում ենք դեպի վեր, ու հերթով հրաժեշտ եմ տալիս երեխաներին․ մեր տունն ամենահեռուն է։ Ճանապարհին երկու նոր կառուցվող տուն ենք տեսնում․ երեխաներն ասում են, թե ում տներն են ու հետն էլ ուրախություն արտահայտում․ թող շատ կառուցվեն տներ, թող բոլոր ավերակները տներ դառնան։

Ավելին

Վուրգավանի շինարարությունը բուռն ընթացքի մեջ է

Սիրելի հայրենասերներ,

Մեծ ուրախությամբ տեղեկացնում ենք ձեզ, որ Արցախի ազատագրված Քաշաթաղի շրջանի Վուրգավան գյուղի առաջնային ենթակառուցվածքների համալիրի շինարարությունը բուռն ընթացքի մեջ է։

Հիշեցնենք, որ «Հայրենասեր» կազմակերպությունն այս տարի Վուրգավան գյուղում վերակառուցում է դպրոցը, կառուցում է մինչ այժմ գոյություն չունեցող բուժկետ և համայնքապետարան։

Գյուղում այժմ մեծ ոգևորություն է տիրում․ չէ՞ որ այս շինարարությունը վաղվա օր ու հույս է նվիրում վուրգավանցուն։
Ավելին

Մի քարտեզի պատմություն

kartez-sxal

Գլենդելում գործող «Պերճ» գրատունն այն վայրն է, որտեղից ես կատարում եմ իմ գրեթե բոլոր նվերների ու հայատառ բացիկների գնումները: Պարոն Պերճը` ում պատկանում է այս գրատունը, միշտ սիրալիր ընդունում է ինձ, հետաքրքրությամբ լսում Հայաստանի ազատագրված տարածքի հետ կապված իմ պատմությունները, այնուհետեւ օգնում ինձ կատարել համապատասխան գնումներ ու ճանապարհում:

Ամեն անգամ «Պերճ» գրատուն գնալիս մանկան պես ուրախանում եմ, քանի որ սրտիս հոգեհարազատ բազմազան ապրանքներ եմ տեսնում. մեկի վրա՝ եռագույնը, մյուսի վրա՝ Հայաստանի զինանշանը, երրորդի վրա՝ հայոց այբուբենը եւ այդպես շարունակ: Սակայն «Պերճ» գրատանը կա մի բան, որն իմ մեջ միշտ ընդվզում է ծնում: Խոսքս Հայաստանի սխալ քարտեզի մասին է: Երբեք չեմ հոգնել կամ դադարել բողոքել քարտեզի սխալ սահմանագծից, եւ գրեթե ամեն անգամ նշել եմ, որ գրատան պատին, այն էլ երկու տարբեր տեղերում, փակցված է Հայաստանի սխալ քարտեզը: Ի դեպ, երբ ասում եմ Հայաստան ի նկատի ունեմ Հայաստանի եւ Լեռնային Ղարաբաղի (Արցախի) Հանրապետությունները:

Ավելին

Դպրոցի վերակառուցման ծրագիր

dproci-verakangnman-2014

 Քաշաթաղի  շրջանում
Սիրելի հայրենասեր,
Շարունակելով «Հայրենասեր»-ի նախորդ տարիների ուղեգիծը՝ այս տարի ևս մեր գործունեության կիզակետում է լինելու Հայաստանի ազատագրված տարածքը։ 2014 թվականին «Հայրենասեր»-ն իր թիրախում է առնելու շրջանների ենթակառուցվածքային կարիքները՝ կենտրոնացնելով կազմակերպության միջոցները Քաշաթաղի շրջանում դպրոցի վերակառուցման ծրագրի վրա, որի նախագիծը կներկայացվի տարվա առաջին ամիսներին։
Քաշաթաղի դպրոցների շենքերը բարվոք վիճակում չեն, մինչդեռ ազատագրված շրջաններում դպրոցը ոչ միայն կրթօջախ է, այլ վերաբնակեցվող բնակավայրի տնտեսական, սոցիալական և մշակութային զարգացման աղբյուր ու գրավական։ Եթե լինի դպրոց, ապա աշխատավարձերի և պետական այլ միջոցների մուտքը բնակավայր կապահովագրի վերաբնակեցվող գյուղի ապագան՝ նպաստելով նաև արտագաղթի կանխմանը։
Ավելին

Կարևորագույն գրքի շնորհանդես Գլենդեյլում

StepanSargsyan

Գլենդեյլի հայ համայնքը առիթ ունի ծանութանալու մի կարևորագույն գրքի։ ՀՀ Ազգային արխիվի և «Վան» հասարակական կազմակերպության համագործակցության արդյունքում հրատարակվել և այժմ էլ հայերենից անգլերեն է թարգմանվել «Հայոց ցեղասպանությունը օսմանյան Թուրքիայում. վերապրածների վկայություններ» ժողովածուն։ Գրքում հավաքված են 600-ից ավել ցեղասպանությունից փրկված ականատեսների վկայություններ, որոնք գրի են առնվել 1916 թվականին։ Նոյեմբերի 8-ին՝ ուրբաթ օրը, ժամը 7-ին տեղի կունենա գրքի շնորհանդեսը Իրանահայ միության սրահում (117 South Louise St., Glendale, CA 91205)։ Միջոցառման գլխավոր բանախոսը լինելու է «Վան»-ի համահիմնադիր Գագիկ Մելիքյանը։
Ավելին

Կերենը՝ կայացման շեմին

keren-1

Արցախի Քաշաթաղի շրջանի Կովսական համայնքի Կերեն գյուղը 2013 թ. հունիսի 27-ից ԼՂՀ կառավարության որոշմամբ ստացել է առանձին համայնքի կարգավիճակ.գտնվում է Կովսական-Կապան ճանապարհի վրա՝ Ողջիգետի աջ ափին: Համայնքի կազմում են նաև Սպիտակաշեն և Գրհամ գյուղերը: Մինչ այժմ բնակավայրը չի էլեկտրաֆիկացվել. կա հույս, որ մոտակաժամանակներում կկարգավորվի նաև այդ հարցը: Իսկ ճանապարհը վերջերս է բարեկարգվել. կա ասֆալտապատման ծրագիր: 2012 թվականին վերջնականապես ավարտվեց դպրոցի շենքի կառուցումը, ևգյուղում սկսեց գործել միջնակարգ դպրոցը, որն այժմ ունի 15 աշխատող, որից ուսուցիչները՝ ութ և 14 աշակերտ: Այս տարի առաջին դասարան հաճախում են 2 աշակերտ, ավարտական դասարաններում աշակերտներ չկան:

Ավելին

Հարսանիք ԾԻԾԵՌՆԱՎԱՆՔՈՒՄ

harsaniq-1

Հուլիսի 14-ին հնամենի Ծիծեռնավանքի Սուրբ Գեւորգ եկեղեցում կայացավ պսակադրության արարողություն ։ Այն առանձնանում է նրանով, որ պսակադրվողները՝ Նելլի Շուշի Մարտիրոսյանն ու Ստեփան Սարգսյանն ԱՄՆ Գլենդել քաղաքից հատուկ հասել են Արցախ՝ Քաշաթաղ, որ հենց Ծիծեռնավանքում վավերացնեն իրենց կյանքի ամենակարեւոր իրադարձությունը։ Ապրելով ԱՄՆ-ում՝ «Հայրենասեր» կազմակերպության հիմնադիրները մեծ աշխատանք են ծավալում՝ իրենց գործունեությամբ նպաստելով նաեւ Արցախի՝ հատկապես ազատագրված տարածքների զարգացմանը։ Վերջերս նրանց ջանքերով նկարահանվեց «Մոնթե Մելքոնյան. հանուն արդարության» ֆիլմը, որը ներկայացնում է ազատագրված Քարվաճառի եւ Քաշաթաղի այսօրը։ Ծիծեռնավանքի տաճարի Սուրբ Խորանի առջեւ տեղի բնակիչների, ԱՄՆ-ից եկած հայ երիտասարդների, բերձորցի իրենց բարեկամների առ ջեւ՝ Քաշաթաղի շրջվարչակազմի ղեկավար Սուրեն Խաչատրյանի քավորությամբ, պսակադրությունը կատարեց Տեր Ավետիս Աբովյան քահանան։

Ավելին

Երբ կա ցանկություն, գտնվում է հնարավորություն

hayrenaser-logo

Իմ նախորդ հոդվածներում խոսել եմ ազատագրված տարածքներում զարգացման ծրագրերի անհրաժեշտության մասին։ Առավել կարևոր՝ խոսել եմ դրանք հասարակական հիմունքներով իրականացնելու հնարավորության մասին։ Եվ որպես դրա լավ օրինակ` պատմեմ այս մայիս ամսում «Հայրենասեր» կազմակերպության նախաձեռնած Բերձորի մանկապարտեզի դաստիարակների վերապատրաստման ծրագրի մասին, որն իրագործվեց «Հայրենասեր»-ի և «Երկուսով» հոգեբանական մասնագիտացված կենտրոնի համագործակցության շնորհիվ։

Ի դեպ, Քաշաթաղում մայիսին ծրագրի իրականացումը խորհրդանշական էր նաև նրանով, որ մայիսի 18-ին է ազատագրվել Քաշաթաղի շրջկենտրոն Բերձորը (նախկին՝ Լաչին)։ Արդեն 21 տարի է ինչ մայիսի 9-ի Շուշիի ազատագրման օրվան նվիրված տոնախմբություններին հետևում է Բերձորի ազատագրման տոնը։
Ավելին

Անի տանող ճանապարհն սկսվում է Քարվաճառից

Արդեն գրեթ

StepanSargsyan

ե մեկ ու կես դար թուրք — թաթարական ( ադրբեջանական ) դաշինքը հայության հանդեպ վարում է ցեղասպանական քաղաքականություն։ Եղեռնից հետո մի խումբ հայ նվիրյալներ հրաժարվեցին հանձնել հայության ճակատագիրը աշխարհի հզորներին եւ չգնացին օտարներից արդարություն մուրալու ճանապարհով։ Փոխարենը նրանք թույլ տվեցին հային տնօրինել իր իսկ ճակատագիրը՝ կազմակերպելով «Նեմեսիս» գործողությունը եւ ենթարկելով ցեղեսպանության կազմակերպիչներին հայ ազգի դատաստանին։ «Նեմեսիս»-ի նվիրյալների օրինակով այժմ էլ մեր սերունդը պետք է տնօրինի իր ճակատագիրը եւ տեր կանգնի մեր Արցախյան հերոսների ազատագրած ամեն մի թիզ հողին, այլ ոչ թե առաջնորդվի օտար տերությունների շահերով։

Ավելին

Երեւանի պաշտպանությունը սկսվում է Քարվաճառից

StepanSargsyan

1993 թվականի մարտի 27-ին սկսվեց հայոց հինավուրց Քարվաճառի ազատագրումը։ Ազերի հրոսակները Քարվաճառը վերածել էին Հայաստանի Հանրապետության (ՀՀ) եւ նախկին Լեռնային Ղարաբաղի Ինքնավար Մարզի (ԼՂԻՄ) տարածքները ասպատակելու ռազմական հենակետի։ Միմյանց հաջորդող լեռնաշղթաներով բնականից ամրացված այս շրջանը ազատագրելը դժվար գործ էր համարվում։ Սակայն մեր ազատամարտիկները կայծակնային արագությամբ հաղթահարեցին թշնամու դիմադրությունը եւ արդեն ապրիլի 5-ին հասան ռազ մավարական կարեւորության Օմարի լեռնանցք։ Բոլշեւիկների ձեռքով Արցախը Հայաստանից բաժանելու եւ անբնական սահմաններով ԼՂԻՄ-ի վերածելու արդյունքում Քարվաճառը դարձել էր մահացու վտանգ ներկայացնող սեպ, որի ազատագրումը ռազմավարական անհրաժեշտություն էր։ Արցախի պատշպանու թյան նախարարության պատրաստած Քարվաճառի ազատագրման մասին պատմող մի հաղորդման մեջ այսպես է հիմնավորվում այդ անհրաժեշտությունը .

Ավելին

Կանխենք ապագա սումգայիթները

StepanSargsyan

Փետրվարը այն ամիսն է, երբ հայությունը վերհիշում է թուրք — թաթարական խուժանի ցեղասպանագործության հերթական փորձը՝ Սումգայիթյան ջարդերը։ Այս տարի լրանում է 1988 թվականի փետրվարին Ադրբեջանի Սումգայիթ եւ մի շարք այլ քաղաքներում իրագործած հայկական ջարդերի 25-րդ տարելիցը։ Սումգայիթյան ջարդերը դեռ 1890-ականներին սկիզբ առած աբդուլհամիդյան կոտորածների եւ 1915 թվականին Հայոց Ցեղասպանությանը վերաճած ցեղասպանական քաղաքականության շարունակությունն էին։ Որպես պատասխան ԼՂԻՄ-ի շրջանային խորհրդի Մոսկվա ուղղված՝ Խորհրդային Ղարաբաղը Հայաստանին վերամիավորելու դիմումին, ադրբեջանական իշխանությունները կազմակերպեցին ադրբեջանահայության ջարդ։ Ըստ պաշտոնական տվյալների, երեք օր տեւած ջարդերի զոհ դարձան 26 հայեր։ Սակայն փորձագետների ուսումնասիրությունները նշում են 200 — 300 զոհերի թիվը։ Հարկ է նշել, որ Ադրբեջանի այս պետական քաղաքականությունը դեռ չի դադարել, որի հերթական ապացույցն են Ջուղայի խաչքարարերի ոչնչացումը եւ հայ սպա Գուրգեն Մարգարյանի գազանային սպանությունը։

Ավելին

Պահպանե՛նք վերականգնված արդարությունը

Մոնթեն արդարության մարտիկ էր։ Նա պայքարում էր ընդդեմ անարդարության ընդհանրապես։ Իսկ հայության հանդեպ արվել էր մեծագույն անարդարություն. ցեղասպանության, ջարդերի միջոցով խլվել էր հայրենիքը։ Այդպիսով, Արցախյան հերոսամարտը և դրա արդյունքում ազատագրված մեր հայրենիքի մի մասնիկը այդ անարդարության մասնակի վերականգնման փորձ էր։ Արցախի ազատագրված տարածքը հայ դատի մերօրյա պայքարն է։ Մոնթեն նպատակ ուներ ազատագրել մեր հայրենիքի արևմտյան հատվածում գտնվող Տիգրանակերտը, որպեսզի վերացներ հայության հանդեպ գործված անարդարությունը։ Փոխարենը, նա դա արեց արևելքում՝ ազատագրելով Արցախի Տիգրանակերտը։ Ուրեմն, պահպանե՛նք Մոնթեի և մեր մյուս հերոսների վերականգնած արդարությունը։
Ավելին

Հայաստանի պատասխանը. ո՛չ մադրիդյան սկզբունքներին

hayrenaser-logo

Հայ սպա Գուրգեն Մարգարյանին կացնահարած մարդասպան Սաֆարովի ազատ արձակմանը հայկական իշխանությունների նվազագույն պատասխանը պետք է լինի մադրիդյան սկզբունքներից և դրանցում արտացոլված հայակործան գաղափարներից վերջնականապես հրաժարվելը։ Ադրբեջանահունգարական այս խայտառակ գործարքը ևս մեկ անգամ եկավ փաստելու բազմիցս արդեն հերքված այն դրույթը, որ ոչ մի երրորդ պետություն կամ կառույց չի կարող երաշխավորել հայի անվտանգությունն ու պատիվը։ Սա է Սաֆարովի պատմության հիմնական դասը։ Մինչդեռ արցախյան հակամարտության շուրջ ընթացող բանակցությունների ողջ ընթացքում հայկական կողմի ընդունած կեցվածքն ու դիրքորոշումները խարսխված են հենց միջազգային երաշխիքների դրույթի վրա։

Ավելին

Հայոց աշխարհի աքսիոմները ու հասկացությունների պատերազմը

yekegheciner

Հայաստանի ազատագրված տարածքի մասին հանրության իրազեկման ծրագրի շրջանակում «Հայրենասեր» կազմակերպությունը ներկայացնում է քաղաքագետ Հրաչյա Արզումանյանի հոդվածի հայերեն թարգմանությունը։ Օգտվելով մայիսի 18-ին նշվող Քաշաթաղի Բերձոր քաղաքի ազատագրման 20-ամյակի առիթից՝ հարկ ենք համարում անդրադառնալ արցախյան հակամարտությանը վերաբերող եզրույթների և հասկացությունների կարևորությանը, քանի որ, ինչպես հեղինակն է նշում, «․․․ սխալ եզրությների կիրառումը ժամանակի ընթացքում ձեռք է բերում իներցիայի ուժ, իսկ դրանց հաղթահարումը դառնում առանձին խնդիր»։

«Հայրենասեր» կազմակերպություն

Հայ քաղաքական եւ հասարակական միտքը պետք է վերականգնի դարերի ընթացքում կորցրած պետական մտածողությունն ու բնազդը։ Լայնածավալ երևույթները վերարժևորելը և հասկանալը ժամանակ է պահանջում։ Տասնամյակների պատմություն ունեցող արցախյան հիմնախնդրի զարգացման դինամիկան հասկանալու և ճիշտ գնահատելու համար բավական չէ հաշվի առնել միայն վերջին տարիների կամ առավել ևս վերջին ամիսների իրադարձությունները։ Նման մոտեցումն ու դրանից արված եզրահանգումները, որպես կանոն, սխալ են լինում։

Ավելին