Հերոս Նվեր Սիմոնյանը
Ապրիլյան պատերազմի հերոս, 25-ամյա Նվեր Սիմոնյանը Լեռնային Ղարաբաղի պաշտպանության բանակի N զորամասի հատուկ նշանակության վաշտի 1-ին խմբի 1-ին ջոկի հրամանատարն էր, հետախույզ գնդացրորդ-դիպուկահար: Հադրութի շրջանի Թաղասեր գյուղից էր: Նվերն ունի երեք անչափահաս քույր ու եղբայր, իսկ մյուս երկու եղբայրները նույնպես զինվորականներ են: Նվերի հայրը՝ Սարո Սիմոնյանը, ազատամարտիկ է, Արցախյան առաջին պատերազմի մասնակից:
Նվերը նշանված էր, ապագայի վերաբերյալ մեծ ծրագրեր ուներ…
Անվախ ու ուժեղ Նվերը զոհվել է ապրիլի 4-ին, հատուկ առաջադրանք կատարելիս:
Նվերի մասին կարդացեք նաեւ այստեղ.
Նվերի սխրանքը. Ղարաբաղում ընտանիքը հիշում է որդուն, եղբորը, ով զոհվել է հողը պաշտպանելիս
Քառօրյա պատերազմի զոհերը. Նվեր Սիմոնյան
Նվեր Սիմոնյան. եղբոր գրկում մահացած զինվորը
______________________________________________________________________________
«Հայրենասեր»-ն այցելեց զոհված հերոս ՆՎԵՐ ՍԻՄՈՆՅԱՆԻ ընտանիքին Արցախի Հադրութի շրջանի Թաղասեր գյուղում և փոխանցեց մեր աջակիցների երախտագիտությունն ու $500։
Նվեր Սիմոնյանի ընտանիքն ապրում է Արցախի Հադրութի շրջանի Թաղասեր գյուղում։ «Հայրենասեր»-ի այցելության ժամանակ հանդիպեցինք Նվերի մորը։ Մայրը պատմեց, որ ավագ Սերժանտ Նվերը իր վեց երեխաներից մեծն էր։ Նվերը նշանված էր և ուներ անձնական մեծ երազներ ամուսնանալու և ընտանիք կազմելու։ Նվերը մահացել է իր եղբոր աչքի առաջ։
«Հայրենասեր»-ի եւ իր նվիրատուների երախտագիտության նամակը՝ ուղղված Նվերի ծնողներին: