Հերոս Մայիս Միրզոյանը
Արցախյան պատերազմի հերոս, 60-ամյա Մայիս Երջանիկի Միրզոյանը Սյունիքի մարզի Դարբաս գյուղի գյուղապետն էր: Ծնվել է 1956 թ. մայիսի 1-ին Դարբաս գյուղում:
1993 թվականից, հայոց բանակի կազմավորվելուց հետո, ծառայության է անցել ՀՀ ՊՆ զորամասի պայմանագրային վաշտում, որպես դասակի հրամանատար, ստանալով ավագ լեյտենանտի կոչում:
1993 թվականի մարտի 31-ին Քաշաթաղի ազատագրման ժամանակ Վակունիս գյուղի համար մղվող պայքարում վիրավորվել է: Ղարաբաղի ազատագրական շարժման բոլոր մարտերին մասնակցելու համար պարգևատրվել է կառավարական մի շարք մեդալներով:
2016թ. ապրիլի 3-ին մեկնել է ռազմաճակատ իր կամավորական ջոկատով: Ապրիլի 4-ին թշնամու ռմբակոծության հետևանքով զոհվել է:
Մայիսի մասին կարդացեք նաեւ այստեղ.
Սիսիանցի կամավոր, Դարբասի գյուղապետ Մայիս Միրզոյանն այսօր կդառնար 60 տարեկան
Ապրիլյան հերոսամարտի սիսիանցի նահատակները
_______________________________________________________________________
«Հայրենասեր»-ն այցելեց զոհված հերոս ՄԱՅԻՍ ՄԻՐԶՈՅԱՆԻ ընտանիքին Սյունիքի մարզի Սիսիան քաղաքում և փոխանցեց մեր աջակիցների երախտագիտությունն ու $500։
Մայիս Միրզոյանի ընտանիքին ապրում է Սյունիքի մարզի Սիսիան քաղաքում։ Մեր այցելության ժամանակ զրուցեցինք Մայիսի կնոջ հետ։ Տանն էին նաև թոռնիկները։ Մայիսն իր մասնակցությունն է բերել Արցախյան առաջին գոյամարտին։ Նա Դարբաս համայնքի ղեկավարն էր։ Մայիսը պահեստի փոխգնդապետ էր։ Նա ապրիլի 4-ին զոհվել է թշնամու անօդաչու թռչող սարքի պայթյունից: