Հերոս Դավիթ Հայրապետյանը
Ապրիլյան պատերազմի հերոս ժամկետային զինծառայող Դավիթ Հայրապետյանը Գեղարքունիքի մարզի Զոլաքար գյուղից էր: Զոլաքար գյուղն ապրիլյան պատերազմում երկու զոհ ունեցաց՝ Գագիկ Մելքոնյանն ու Դավիթ Հայրապետյանը:
Ըստ Զոլաքարի համայնքապետի՝ երկու զինծառայողների ընտանիքներն էլ սոցիալապես անապահով դրության մեջ են:
Դավիթի մասին կարդացեք նաեւ այստեղ.
_____________________________________________________________________________
«Հայրենասեր»-ն այցելեց զոհված հերոս ԴԱՎԻԹ ՀԱՅՐԱՊԵՏՅԱՆԻ ընտանիքին և փոխանցեց մեր աջակիցների երախտագիտությունն ու $500։
Դավիթ Հայրապետյանի ընտանիքն ապրում է Գեղարքունիքի մարզի Զոլաքար գյուղում։ Մեր այցելության ժամանակ զրուցեցինք Դավիթի մայրիկի և քույրիկի հետ։ Դավիթի սենյակում նրան նվիրված մի անկյուն էին պատրաստել։ Երբեք ծնողներին Դավիթը չի անհանգստացրել: Մայրն ասում է, որ անգամ օրորոցում ձայն չէր հանում: «Գնում էինք այգում գործ անում, ոչ ձայն էր հանում, ոչ մի բան»։ Պատերազմի մասին էլ ծնողներին ոչինչ չէր ասել: 2 եղբայրներն արդեն ծառայել էին Արցախում: Հույս ունեին, որ Դավիթին չէին տեղափոխի Հոկտեմբերյանից, բայց արեցին ու այսպիսի ավարտ ունեցավ:
Շնորհակալություն հետևյալ հայրենասեր նվիրատուներին մեր հերոսի ընտանիքին աջակցելու համար․ Անահիտ Գոլնազարյան, Լիզա Ստեֆան, Հարություն Կարմիրյան, Մարիամ Փաշայան,Անահիտ Քեշիշյան, Քաջիկ Խաչատրյան, Հակոբ Զաքարյան։