Արցախում զոհված զինծառայող Գոռ Կարապետի Կիրակոսյանն Արմավիրի մարզի Արևիկ համայնքից է: 1996թ. ծնված շարքային զինծառային համայնքի ղեկավար Գառնիկ Ծատուրյանը բնութագրեց որպես յուրահատուկ անձնավորություն, ով դաստիարակված, լավ ընտանիքի երեխա է:

Համայնքի ղեկավարի խոսքով՝ մոտ 3 ամսից Գոռ Կիրակոսյանը կավարտեր ծառայությունը: Նա ավագ եղբայր ունի, ով ևս ծառայել է զինված ուժերում: (Մեջբերումը` 168.am կայքից):

________________________________________________________________________

«Հայրենասեր»-ն այցելեց զոհված հերոս ԳՈՌ ԿԻՐԱԿՈՍՅԱՆԻ ընտանիքին Արմավիրի մարզի Արևիկ գյուղում և փոխանցեց մեր աջակիցների երախտագիտությունն ու $500։

Գոռ Կիրակոսյանի ընտանիքն ապրում է Արմավիրի մարզի Արևիկ գյուղում։ Մեր այցելության ժամանակ Գոռի հայրը ցույց տվեց այն փամփուշտը, որը ջարդել էր Գոռի մեքենայի ապակին: Իսկ հերոսի տատիկն էլ պատմեց, որ Գոռն իր ծառայակից ընկերների կյանքն է փրկել: Զինվորներին հաց բաժանելիս Գոռի մեքենան առաջին անգամ չէ որ հանդիպել էր թշնամու գնդակին։ Մեր այցելության ժամանակ զոհված հերոսի ընտանիքում մեզ ցույց տվեցին մի տեսահոլովակ, որտեղ պատմվում էր ծառայության ընթացքում Գոռի կատարած քաջագործությունների մասին։