Հերոս Հովսեփ Կիրակոսյանը
Հովսեփ Գեղամի Կիրակոսյանը ծնվել է 1988 թվականին Արմավիրի մարզի Ապագա գյուղում: Ավարտել է Վազգեն Սարգսյանի անվան ռազմական ինստիտուտն ու տեղափոխվել է Ստեփանակերտ, այնուհետև ծառայության է անցել սահմանապահ Մատաղիսում:
Հովսեփ Կիրակոսյան. «Տղե’րք, ես լավ եմ: Դուք կռվե’ք»
Երեխաներին դեռ չենք ասել, որ իրենց հայրը զոհվել է. «Հրապարակ»
«Հայրենասեր»-ն այցելեց զոհված հերոս ՀՈՎՍԵՓ ԿԻՐԱԿՈՍՅԱՆԻ ընտանիքին Արմավիրի մարզի Ապագա գյուղում և փոխանցեց մեր աջակիցների երախտագիտությունն ու $500։
Հովսեփ կիրակոսյանի ընտանիքն ապրում է Արմավիրի մարզի Ապագա գյուղում։ Հովսեփի հայրը դեմ էր որդու` զինվորական դառնալուն, իսկ մայրը միշտ հպարտացել է տղայի` ռազմական ինստիտուտում ստացած բարձր գնահատականներով:
Որոշ ժամանակ Արցախում ծառայելուց հետո Հովսեփին առաջարկել են ծառայությունը շարունակել Տավուշի մարզում: Սակայն զինվորականը համոզված էր, որ իր կարիքը հենց Արցախում կա: Նա ինքնակամ ծառայության է անցել առաջնագծում` իր հետ Արցախ տանելով նաև ընտանիքը: Ճակատագրական գիշերն արագ գնահատելով իրավիճակը` Հովսեփը կնոջը` Մարիամին արթնացրել է ու ասել, որ գյուղից արագ դուրս բերի երեխաներին, իսկ ինքը նետվել է զորամաս` իր զինվորների կողքին լինելու: Այստեղ էլ վիրավորվել ու զոհվել է:
Հովսեփ Կիրակոսյանի ավագ որդին 4 տարեկան չկա, կրտսերը երեք տարեկան է:
Շնորհակալություն Արմեն Զադոյանին մեր հերոսի ընտանիքին աջակցելու համար։