Հերոս Արմեն Մարտիրոսյանը
Ապրիլյան պատերազմի հերոս, 20-ամյա ժամկետային զինծառայող Արմեն Մարտիրոսյանը Գեղարքունիքի մարզի Գանձակ գյուղից էր: Արմենը մահացու հրազենային վիրավորում է ստացել մայիսի 11-ին: Արմենը տան փոքր երեխան էր, երեք քույր ունի: Հայրն արտագնա աշխատանքով Ռուսաստանի Դաշնությունում է եղել, լսելով կատարվածի մասին, միանգամից վերադարձել է Հայաստան:
Արմենը դպրոցն ավարտելուց հետո միանգամից զորակոչվել է բանակ: Երաժշտական կրթություն ուներ, ավարտել էր Գավառի երաժշտական քոլեջը, ինպես նաեւ՝ Արեւելյան մարզաձեւ էր պարապել:
Արմենի մասին կարդացեք նաեւ այստեղ.
Հորն ասել ենք, որ վիրավորվել է, գալիս է. զոհված զինծառայողը Գանձակ գյուղից էր (Ֆոտո)
____________________________________________________________________
«Հայրենասեր»-ն այցելեց զոհված հերոս ԱՐՄԵՆ ՄԱՐՏԻՐՈՍՅԱՆԻ ընտանիքին Գեղարքունիքի մարզի Գանձակ գյուղում և փոխանցեց մեր աջակիցների երախտագիտությունն ու $500։
Արմեն Մարտիրոսյանի ընտանիքն ապրում է Գեղարքունիքի մարզի Գանձակ գյուղում։ Մեր այցելության ժամանակ զրուցեցինք Արմենի հոր հետ։ Հայրը շատ ջերմ մեզ ընդունեց: Արմենին նվիրված անկյունը հենց Արմենի դաշնամուրի վրա էին պատրաստել: Երաժշտական դպրոցն ավարտել ու արդեն երաժշտական քոլեջում էր սովորում Արմենը: Հայրն ասաց, որ այդ դաշնամուրն այլևս նվագող չկա: Տան վերանորոգումն էլ էր Արմենն իր ձեռքերով սկսել, բայց չհասցրեց ավարտին հասցնել: Արմենի մասին հետմահու տպագրված հոդվածները թերթեցինք միասին, մանկության տարիների նկարները նայեցինք: