Հերիկի նորակառույց դպրոցի բացման արարողությունը (տեսանյութ)

Հոկտեմբերի 4-ին տեղի ունեցավ Քաշաթաղի Հերիկ համայնքի նորակառույց դպրոցի պաշտոնական բացումը: «Հայրենասեր» կազմակերպության նախաձեռնությամբ կառուցված դպրոցը կրում է Արցախի հերոս Ռոբերտ Աբաջյանի անունը: Բացման հանդիսավոր արարողությանը ի թիվս այլ հյուրերի ներկա է եղել նաև վարչապետ Արայիկ Հարությունյանը:

Ավելին

Հերիկի դպրոցի տնօրեն. «Ախր էլ ի՞նչ ասեմ, ամեն ինչ ասվել է այս նոր շենքով»

nor dproc

Արցախյան պատերազմի ընթացքում ազատագրված Հերիկ գյուղը գտնվում է Քաշաթաղի շրջանում: Ազատագրումից հետո, 1995-96 թթ. գյուղը վերաբնակեցվել է, սակայն անհրաժեշտ ենթակառուցվածքների բացակայության պատճառով մի քանի տարի անց, 2005-2006 թթ. գրեթե ամբողջությամբ դատարկվել է:

Գյուղի վերաբնակեցումը երկրորդ անգամ կազմակերպվել է 2009-10 թթ.: Որոշ անհրաժեշտ կենսապայմաններ գյուղում ապահովվել են, սակայն պակասում էր ազատագրված հայրենիքի գյուղերի զարգացման գլխավոր գրավականը՝ դպրոցը: Հերիկի երեխաները դասեր էին անում խարխուլ ու խոնավ մի տան մեջ: Իսկ ազատագրված հայրենիքում՝ Քաշաթաղի ու Քարվաճառի գյուղերում դպրոցը ոչ միայն կրթական, այլեւ սոցիալական, մշակութային կարեւոր գործառույթներ ունի: Զարգացած համայնքի կենտրոնը կայացած դպրոցն է: Ավելին

Հերիկի դպրոցի կառուցման նախահաշիվն ու հատակագիծը

Սիրելի հայրենասեր,

Ձեզ ենք ներկայացնում այն նախագիծն ու հատակագիծը, որոնցով «Հայրենասեր» կազմակերպությունն իր նվիրատուների շնորհիվ Հերիկում ավերակների կույտը մի ժամանակակից ու շքեղ դպրոց դարձրեց:

Ծրագրի մանրամասներին կարող եք ծանոթանալ այստեղ. Հերիկի դպրոցի կառուցումը

Հատակագծին կարող եք ծանոթանալ այստեղ` Հերիկի դպրոցի հատակագիծը,  հատակագծում կատարվել են որոշակի փոփոխություններ:

Նախահաշվին կարող եք ծանոթանալ այստեղ` Հերիկի դպրոցի կառուցման նախահաշիվը:

Հերիկ. հրաշքով փրկված ու զարգացողը գյուղը

Գյուղի մասին

«Հայրենասեր»-ի հիմնադիրներ Ստեփան Սարգսյանը, Նելլի Մարտիրոսյանն ու իրենց դուստր Շուշին՝ Հերիկի ճանապարհին:
«Հայրենասեր»-ի հիմնադիրներ Ստեփան Սարգսյանը, Նելլի Մարտիրոսյանն ու իրենց դուստր Շուշին՝ Հերիկի ճանապարհին:

Հերիկ գյուղը Մոշաթաղ եւ Բերդիկ գյուղերի հետ մտնում է Մոշաթաղ համայքնի մեջ: Հերիկը գտնվում է Քաշաթաղի շրջկենտրոն Բերձորից 45 կմ հեռավորության վրա, դեպի հյուսիս-արեւելք: Գյուղն ազատագրվել է Արցախյան պատերազմի ժամանակ, 1991-92 թթ.: Գյուղի վերաբնակեցումն սկսվել է 1995-96 թթ.: Այդ տարիներին գյուղում եղել է 30 տնտեսություն: Վերաբնակեցումից հետո դեռ մի քանի տարի գյուղում էլեկտրականություն չի եղել, Հերիկ գյուղի երեխաները դպրոց չեն ունեցել:

Մի անգամ դատարկված ու նորից վերաբնակեցված Հերիկը

Գյուղում էլեկտրականության, դպրոցի բացակայության պատճառով Հերիկը 1999-2000-ական թվականներին սկսել է դատարկվել: Թվում էր, թե գյուղի կործանումն անխուսափելի է: Սակայն գյուղին վիճակված էր ապրել ու վերածնվել. գյուղում միայնակ մնացած Բակունց եղբայրների երկու ընտանիքները պահպանել ու հսկել են ամբողջ գյուղը, թույլ չեն տվել տներն ավերվել: Եւ այդ տները պետք է մի օր ծառայեին նոր վերաբնակիչներին:

Ավելին

Հերիկի դպրոցի շինարարությունը` ըստ փուլերի (լուսանկար)

Սիրելի հայրենասեր,

Մեծ ուրախությամբ ու հպարտությամբ ձեզ ենք ներկայացնում այս տարվա ամռան ընթացքում Արցախի Քաշաթաղի շրջանի Հերիկ գյուղում կառուցված դպրոցի շինարարության փուլերը: Լուսանկարների միջոցով դուք էլ ծանոթացեք այն ամբողջ աշխատանքին, որ «Հայրենասեր» կազմակերպությունն իր նվիրատուների շնորհիվ իրականացրել է ազատագրված Հերիկի դպրոցականների համար:

Ավելին

Հերիկի դպրոցի ավերակները

«Հայրենասեր» կազմակերպությունն իր նվիրատուների օգնությամբ այս տարվա ամռանը մաքուր, ժամանակակից ու հարմարավետ դպրոցի շենք նվիրեց Արցախի ազատագրված Քաշաթաղի Հերիկ գյուղին:

Առաջարկում ենք ձեզ միասին հետեւել այն ամբողջ աշխատանքին, որ կատարվել է Հերիկում:

Նախ, ծանոթացեք այն ավերակին, որ պետք է ամիսներ անց դպրոցի մի շքեղ շենք դառնար:

Ավելին

Վուրգավանի դպրոցը. անցյալի հուշեր և լուսավոր իրականություն (լուսանկար)

«Հայրենասեր» կազմակերպությունը 2015 թ. ամռանը հիմնովին վերակառուցեց Արցախի ազատագրված Քաշաթաղի շրջանի Վուրգավան համայնքի դպրոցը և կառուցեց գյուղում մինչ այդ գոյություն չունեցող բուժկետ ու համայնքապետարան: Այս ծրագիրն օգնեց վուրգավանցիներին հավատալ վաղվա օրվան և չմտածել գյուղից հեռանալու մասին: Այսօր վուրգավանցու երեխան դասեր է անցկացնում լուսավոր ու մաքուր շենքում, որտեղ նրա առողջության համար որևէ վտանգ չկա, այսօր Վուրգավանի խնդիրները քննարկում են հարմարավետ համայնքապետարանում և այսօր վուրգավանցին բուժօգնություն է ստանում իր համայնքում: Վուրգավանցին այսօր ապագայի հավատ ունի:

Ավելին

Վուրգավանի համայնքապետ․ «Այսօր մեր գյուղում հավատ կա»

Արդեն հինգ ամսից ավելի է՝ Արցախի Քաշաթաղի շրջանի Վուրգավան գյուղում գործում է անհրաժեշտ ենթակառուցվածքների նորակառույց համալիր։ Համալիրը, որը 2015 թ․ ամռան ընթացքում կառուցվել է «Հայրենասեր» կազմակերպության կողմից, ներառում է հիմնովին վերակառուցված դպրոց նոր մարզադահլիճով, նորակառույց բուժկետ ու համայնքապետարան։

Վուրգավանն ազատագրվել է արցախյան պատերազմի ժամանակ և անվանակոչվել է ազատամարտիկ Վուրգ Ոսկանյանի անունով։ Գյուղի վերաբնակեցումն սկսվել է դեռևս 1994-95 թվականներին, սակայն մինչև 2015  թվականը գյուղի դպրոցն անմխիթար, երեխաների առողջության համար խիստ վտանգավոր պայմաններում էր, իսկ բուժկետ ու համայնքապետարան գյուղում առհասարակ գոյություն չունեին։

Նորակառույց համալիրի բացումը տեղի ունեցավ 2015 թ․ սեպտեմբերի 5-ին։ Համայնքապետ Գեորգի Խաչատրյանի խոսքով՝ անհրաժեշտ ենթակառուցվածքների համալիրը նոր հույս ու հավատ է նվիրել գյուղին։ «Հենց այս պահին էլ համայնքապետարանում եմ», մեզ հետ զրույցում փոխանցեց համայնքապետը։ «Մարդիկ աշխատանքի են գալիս, նիստեր ենք անում, գյուղին վերաբերող հարցեր ենք քննարկում», ընդգծեց նա։ Նշենք, որ մինչև համայնքապետարանի կառուցումը համայնքի հարցերը քննարկվում էին «գյուղամեջում», կամ էլ՝ գյուղապետի տանը․ կախված օրվա եղանակից։

Ավելին

Հերիկի դպրոցի աշակերտները (լուսանկար)

Սիրելի հայրենակիցներ,

Ձեր ուշադրությանն ենք ներկայացնում ազատագրված Քաշաթաղի Հերիկ համայնքի դպրոցի աշակերտներին: Հենց նրանց համար է «Հայրենասեր»-ն այս տարի կառուցելու նոր, հարմարավետ, մաքուր ու ժամանակակից դպրոց:

Ավելին

Վուրգավանի դպրոցը վերակառուցումից հետո (լուսանկար)

Սիրելի հայրենասերներ,

Ուրախ ենք ներկայացնել ձեզ ազատագրված Քաշաթաղի շրջանի Վուրգավան համայնքի դպրոցի նկարները դպրոցի հիմնովին վերակառուցումից հետո: Շնորհիվ հայրենասեր հովանավորների, այսօր վուրգավանցի դպրոցականները դասեր են անում հարմարավետ, մաքուր և ժամանակակից դպրոցում:

Հիշեցնենք, որ 2015 թ. ամռանը «Հայրենասեր» կազմակերպությունը հիմնովին վերակառուցեց Վուրգավան համայնքի դպրոցը, ինչպես նաև կառուցեց մինչ այդ համայնքում գոյություն չունեցող բուժկետ ու համայնքապետարան:

Ավելին

«Հայրենասեր»-ը «Բարև, ես եմ» հաղորդման եթերում

«Հայրենասեր»-ի հիմնադիրներ Ստեփան Սարգսյանը և Նելլի Մարտիրոսյանը հյուրընկալվել են «Արարատ» հեռուստաընկերության «Բարև, ես եմ» հաղորդաշարի տաղավարում և պատմում են «Հայրենասեր»-ի, իրականացված և ապագա ծրագրերի, ինչպես նաև` անձնական նպատակների մասին։

 

Առաջնային ենթակառուցվածքների համալիրի բացումը Վուրգավանում (տեսանյութ)

Սեպտեմբերի 5֊ին իսկական տոն էր ազատագրված Քաշաթաղի շրջանի Վուրգավան գյուղում․ այդ օրը գյուղում վերաբացվեց «Հայրենասեր» կազմակերպության կողմից հիմնովին վերակառուցված առաջնային ենթակառուցվածքների համալիրը։ Հիշեցնենք, որ համալիրն իր մեջ ընդգրկում է հիմնովին վերակառուցված դպրոցը, ինչպես նաև նորակառույց բուժկետ ու համայնքապետարան։Այո՛, սիրելի հայրենասերներ, Վուրգավանի հրաշքը տեղի ունեցավ, և դրա համար շնորհակալություն ենք հայտնում մեր բոլոր հայրենասեր նվիրատուներին։
Դիտեք բացման արարողության մասին պատմող տեսանյութը․ ուրախանանք վուրգավանցիների հետ ու նրանց համար։

 

Վուրգավանի առաջնային ենթակառուցվածքների համալիրի բացումը (լուսանկար)

Սեպտեմբերի 5֊ին Արցախի Քաշաթաղի շրջանի Վուրգավան գյուղում տեղի ունեցավ առաջնային ենթակառուցվածքների համալիրի բացումը։ Առաջնային ենթակառուցվածքների համալիրն իր մեջ ներառում է հիմնովին վերակառուցված դպրոցը նոր մարզադահլիճով, նորակառույց բուժկետ ու համայնքապետարան։ Համալիրը կառուցվել է «Հայրենասեր» կազմակերպության կողմից 2015 թվականի ամռանը, և նոր ուսումնական տարին վուրգավանցի դպրոցականները դիմավորել են նոր դպրոցում։

Բացման արարողությանը ներկա էին գյուղի բնակիչներ, դպրոցի աշակերտներ, ուսուցիչներ, տեղական ղեկավարության ներկայացուցիչներ։ Ներկա էին «Հայրենասեր» կազմակերպության համահիմնադիրներ Նելլի Մարտիրոսյանն ու Ստեփան Սարգսյանն իրենց փոքրիկ դստեր՝ Շուշիի հետ։

Ավելին

Վուրգավանում կառուցվում է վաղվա օրը․ ո՞վքեր են այն կառուցողները

Ծանոթանանք Արմանը, շինարար Բերձորից

Արմանն ապրում է ազատագրված Քաշաթաղում 1998 թ֊ից։ 1999֊ից ոչ միայն ապրում է ազատագրված հայրենիքում, այլև վերակառուցում ու շենացնում է այն զբաղվում է շինարարական աշխատանքներով։ Արմանի ընտանիքը՝ հայրը, մայրը, վեց քույրերն ու եղբայրները Բերձոր են տեղափոխվել Կոտայքի մարզի Արագյուղից 1996 թ։ Հայրը ևս շինարար է, Արագյուղում վաճառել է 10 հա այգին ու աշխատանքի բերումով տեղափոխվել ազատագրված հայրենիք։ Արմանն ընտանիքին միացել է երկու տարի անց, երբ ավարտել է զինվորական ծառայությունը։

Ավելին

Վուրգավանի դպրոցականների համար հիմնանորոգված դպրոցը պատրաստ կլինի սեպտեմբեի 1֊ին

Շուտով դարձյալ կհնչի առաջին զանգը, և Քաշաթաղի կրթօջախները ևս կընդունեն իրենց սաներին: Շրջանի մի շարք դպրոցների շենքերն ունեն նորոգման, բարեկարգման, ընդլայման կարիք: Սակայն շինարարական աշխատանքներ այժմ ընթանում են մի քանիսում; Վերջերս «Քաշաթաղի հանրակրթական հաստատությունների տնօրենություն» ՊՈԱԿ-ի տնօրեն Հովհաննես Սահակյանի հետ այցելեցի Վուրգավան, Արծվաշեն, Փակահան համայնքներ, որոնց կրթօջախներում իրականացվում են շինարարական աշխատանքներ:

dproc
Վուրգավանի դպրոցի ընդհանուր տեսքը։

Վուրգավանը շրջկենտրոն Բերձորից մոտ 40կմ հարավ է: Շրջանի առաջին բնակավայրերից է. դպրոցը գործում է 1997 թվականից; Երկհարկանի շենքի հիմնանորոգումը կայանում է ԱՄՆ-ում գործող «Հայրենասեր» կազմակերպության կողմից հանգանակած միջոցներով:

Ավելին