Հերոս Արգիշտի Գաբոյանը
Ապրիլյան պատերազմի հերոս, 25-ամյա լեյտենանտ Արգիշտի Գաբոյանը Շիրակի մարզի Մեծ Մանթաշ գյուղից էր: Արգիշտին Վազգեն Սարգսյանի անվան ռազմական ակադեմիան ավարտելուց հետո Արցախում անցել էր ծառայության:
Արգիշտիի հայրը՝ Արծվիկ Գաբոյանը, ազատամարտիկ է, մասնակցել է Արցախյան առաջին պատերազմին, այժմ էլ պայմանագրային զինծառայող է: Արգիշտին ապրիլյան առաջին օրերից անհետ կորած էր: Ամենաուշը ճանաչվել ու հայկական կողմին է հանձնվել հենց նրա մարմինը:
Ամուսնացած չէր, ունի քույր ու եղբայր: Արգիշտիի ընտանիքն ապրում է գյուղի նախկին ճաշարանի շենքում:
Արգիշտիի մասին կարդացեք նաեւ այստեղ.
Անհետ կորած Արգիշտի Գաբոյանի հարազատները ճանաչել են նրան
Զինվորական, ազատամարտիկ հայրը ապրիլի 1-ից հետո առաջին գծում եղած որդուն չի գտնում
________________________________________________________________________
«Հայրենասեր»-ն այցելեց զոհված հերոս ԱՐԳԻՇՏԻ ԳԱԲՈՅԱՆԻ ընտանիքին և փոխանցեց մեր աջակիցների երախտագիտությունն ու $500։
Արգիշտի Գաբոյանի ընտանիքն ապրում է Շիրակի մարզի Մեծ Մանթաշ գյուղում։ Ավագ լեյտենանտ Արգիշտի Գաբոյանը սովորել է Վազգեն Սարգսյանի անվան ռազմական ինստիտուտում: Հերոսը հավաքել էր Վազգեն Սարգսյանի նկարները, ամեն ինչ պատրաստել էր, որ մայիսի 9-ին զորամասում բացեր Վազգեն Սարգսյանին նվիրված անկյուն: Ափսոս չհասցրեց․․․ Կարդալով «Հայրենասեր»-ի հովանավորների ու հիմնադիրների երախտագիտության նամակն ուղղված հերոսի ընտանիքին՝ Արգիշտիի մայրն ասաց, որ այսպիսի նամակները շատ են սփոփում: Մեր այցելության ժամանակ ցավով նկատեցինք, որ Արգիշտիի ընտանիքն ապրում է նախկին ճաշարանի շենքում:
Շնորհակալություն հայրենասեր նվիրատուներ Վարդան և Տաթևիկ Աջապահյաններին մեր հերոսի ընտանիքին աջակցելու համար։