Հերոս Սեդրակ Ասրյանը
Ապրիլյան պատերազմի հերոս Սեդրակ Ասրյանը ծնվել է 1972 թվականի հուլիսի 31-ին Սիսիանի Դարբաս գյուղում: Ավարտել է տեղի միջնակարգ դպրոցը, ապա սովորել Սիսիանի պրոֆտեխուսումնարանում եւ Սիսիանի ավտոդպրոցում:
1994 թվականին վիրավորվել է Հորադիսի մարտական գործողությունների ժամանակ, երկրորդ կարգի հաշմանդամ էր:
1996 թվականին պարգեւատրվել է 1992-94 թվականների Մարտական գործողությունների մասնակցի, 2006 թվականին` Մարտական ծառայությունների մեդալներով:
Սեդրակ Ասրյանն ամուսնացած էր, ունի 2 զավակ: Զոհվել է 2016 թ.-ի ապրիլի 4-ին՝ անօդաչու թռչող սարքի հարվածից:
Սեդրակի մասին կարդացեք նաեւ այստեղ.
Ապրիլյան հերոսամարտի սիսիանցի նահատակները
_______________________________________________________________________________
«Հայրենասեր»-ն այցելեց զոհված հերոս ՍԵԴՐԱԿ ԱՍՐՅԱՆԻ ընտանիքին Սյունիքի մարզի Սիսիան քաղաքում և փոխանցեց մեր աջակիցների երախտագիտությունն ու $500։
Սեդրակ Ասրյանի ընտանիքն ապրում է Սյունիքի մարզի Սիսիան քաղաքում։ Մեր այցելության ժամանակ զրուցեցինք Սեդրակի կնոջ ու տղայի հետ։ Սեդրակը Սիսիանի կամավորականների խմբի մեջ էր և մահացել է անօդաչու սարքի պայթյունից։